《聲秀》海選參賽者落力表現期待圓夢張家誠讚結他彈唱選手表現有驚喜

TVB 娛樂新聞台

チャンネル登録者数 16.3万人

5671 回視聴・ 95いいね・ 2025/05/17

《聲秀》海選參賽者落力表現期待圓夢張家誠讚結他彈唱選手表現有驚喜

《聲秀》海選參賽者落力表現期待圓夢張家誠讚結他彈唱選手表現有驚喜

TVB全新歌唱選秀節目《聲秀》報名情況踴躍，而海選亦進行得如火如荼，唔少懷抱歌手夢嘅年輕人都落力表現，有人帶埋結他自彈自唱，有人載歌載舞，亦有人情歌唱到七情上面，大家都希望可以得到一個圓夢嘅機會。

呢日海選見到一個熟面孔，就係曾經喺 TVB娛樂新聞台做主持嘅莊易羚，原來易羚同妹妹莊錠欣一樣都好鍾意唱歌，佢以高難度歌曲《守望麥田》應戰，唔知佢嘅唱功能否打動評審。

呢日海選由音樂監製張家誠同Jacky擔任評審，挑選有潛力嘅參賽者晉升下一輪比賽，當中有位結他自彈自唱嘅參賽者就令張家誠印象深刻，讚佢真假音轉換自如，仲兼顧彈結他，表現非常好。

講到評審標準，張家誠就話除咗即場表現，仲會睇埋參賽者嘅潛質，始終比賽係一時，發展性先係長遠。而Jacky就話自己比較重視參賽者有冇個人風格以及觀眾緣。

海選由同樣喺選秀節目出身嘅林智樂擔任司儀，見到一班咁有熱誠嘅參賽者，Felix都勾起當年參賽嘅回憶，佢話覺得班參賽者嘅表現好過自己好多，當年比賽得16歲嘅Felix，見到啲18歲嘅參賽者，都忍唔住感嘆青春不再。

#聲秀 #海選 #張家誠 #林智樂 #莊易羚 #結他自彈自唱 #載歌載舞 #真假音轉換 #潛質 #觀眾緣 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0